இஸ்ரேல்: அமெரிக்க ராணுவ வீரர்களுடன் பைடன் எடுத்த புகைப்படம்; டெலீட் செய்த வெள்ளை மாளிகை - ஏன்?!

இஸ்ரேலுக்கும், பாலஸ்தீனத்தின் ஹமாஸ் குழுவுக்கும் இடையே 10 நாள்களுக்கும் மேலாகப் போர் நடைபெற்றுவருகிறது. அக்டோபர் 7-ம் தேதி ஹமாஸ் தொடங்கிய தாக்குதலுக்கு எதிராகப் பாலஸ்தீனத்தின் காஸா மீது இஸ்ரேல் கடுமையான தாக்குதல் நடத்திவருகிறது. இதில், உயிரிழந்த பாலஸ்தீன மக்களின் எண்ணிக்கை 3,000-ஐ தாண்டிவிட்டது.தாக்கப்பட்ட காஸா மருத்துவமனை

அதே நேரம், உக்ரைன்மீதான போரை ரஷ்யா நிறுத்த வேண்டும் எனக் கடந்த ஒரு வருடமாகக் கூறிவரும் அமெரிக்கா, உக்ரைனுக்குச் செய்ததைப்போலவே இஸ்ரேலுக்கும் போர் ஆயுத உதவிகளை வழங்கிக்கொண்டே, ஐ.நா-வில் ரஷ்யா கொண்டுவந்த போர் நிறுத்தத் தீர்மானத்துக்கு எதிர்ப்பு தெரிவித்து, அதைத் தோல்வியடையச் செய்தது.

இந்த நிலையில்தான் காஸாவிலுள்ள மருத்துவமனைமீது நடந்த திடீர் தாக்குதலில், சுமார் 500 பேர் கொல்லப்பட்ட சம்பவம் உலகளவில் பெரும் அதிர்ச்சியை ஏற்படுத்தியது. `இஸ்ரேல்தான் இந்தத் தாக்குதலை நடத்தியது' என ஹமாஸ் கூற, `மருத்துவமனைமீது ஹமாஸ்தான் தாக்குதல் நடத்தியிருக்கிறது’ என சில ஆடியோ ஆதரங்களையும் வெளியிட்டது இஸ்ரேல். இந்த நிலையில், அமெரிக்க அதிபர் ஜோ பைடன் இஸ்ரேலின் டெல் அவிவ் (Tel Aviv) நகரில் அந்த நாட்டுப் பிரதமர் நெதன்யாகுவை நேரில் சந்தித்தார். அதைத் தொடர்ந்து, போரில் பிணைக்கைதிகளாக இருந்து, பின்னர் மீட்கப்பட்டவர்களை சந்தித்து ஆறுதல் கூறினார்.பைடன் - நெதன்யாகு

மேலும், அமெரிக்கா இஸ்ரேலின் உதவிக்காக அனுப்பிய இராணுவ வீரர்களையும் சந்தித்தார். அப்போது,"நீங்கள் செய்யும் உதவிக்கு என்னால் எதுவும் ஈடுசெய்ய முடியாது. நன்றி" எனத் தெரிவித்தார். அவர் அமெரிக்க இராணுவ வீரர்களைச் சந்திக்கும் புகைப்படமும் வெளியிடப்பட்டது. அதைத் தொடர்ந்து சமூக ஊடகங்களில் பல்வேறு விமர்சனங்களை ஜோ பைடன் எதிர்கொண்டார்.

நேற்று அமெரிக்க பாதுகாப்புத் துறை நடத்திய மாநாட்டின் போது, ஜெனரல் பாட் ரைடர், ``புகைப்படம் வெளியிடப்பட்ட வீரர்கள் உண்மையில் அமெரிக்கச் சிறப்பு ராணுவ அதிகாரிகள் தானா என்பதையும், சிறப்புப் படைகளின் புகைப்படங்களை எடுப்பதற்கு அனுமதிக்கும் கொள்கைகள் நமது ராணுவத்தில் இருக்கிறதா?” என்பதை உறுதிப்படுத்தும்படி கேட்டுக்கொண்டர்.ஜோ பைடன்

அதைத் தொடர்ந்து, ஜோ பைடன் ராணுவ அதிகாரிகளுடன் இருக்கும் படியாக வெளியிட்ட புகைப்படத்தை வெள்ளி மாளிகை தனது வலைதளப்பக்கங்களிருந்து நீக்கியிருக்கிறது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/46c3KEk">
https://bit.ly/46c3KEk />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/46c3KEk">
https://bit.ly/46c3KEk />
இஸ்ரேலில் ஜோ பைடன்... காஸா மீது தீவிரமடையும் தாக்குதல்! - இனி என்ன?!


http://dlvr.it/Sxj64W