``வற்புறுத்தியதால் கர்ப்பத்தை கலைத்தேன்" வேதனையை பகிர்ந்த பிரிட்னி ஸ்பியர்ஸ்... கொந்தளித்த ரசிகர்கள்

அமெரிக்காவின் பிரபல பாடகியான பிரிட்னி ஸ்பியர்ஸ், பாப் பாடகரும் நடிகருமான ஜஸ்டின் டிம்பர்லேக்குடன் டேட்டிங்கில் இருந்தபோது உண்டான கர்ப்பத்தை டிம்பர்லேக்கின் வற்புறுத்தலின் பேரில் கலைத்ததாகக் கூறியுள்ளார்.

பிரிட்னி ஸ்பியர்ஸ்க்கு தற்போது 41 வயதாகிறது. ஜஸ்டின் டிம்பர்லேக்கும், பிரிட்னி ஸ்பியர்ஸும் 2000 -ன் முற்பகுதியில் `தி மிக்கி மவுஸ் கிளப்’ நிகழ்ச்சியில் அறிமுகமானார்கள். மூன்று வருடங்கள் வரை டேட்டிங் செய்த இவர்கள் 2002-ல் திடீரென பிரிந்தனர். ஜஸ்டின் டிம்பர்லேக்

பிரிட்னி ஸ்பியர்ஸிடம் ஊடகங்கள் தொடர் கேள்விகளை எழுப்பியநிலையில், டிம்பர்லேக் `அவளுடன் உறங்கினேன்; அதன் பின்னரே, `Cry Me a River' என்ற பாடலை எழுதினேன். பிரிட்னி எங்கள் உறவில் துரோகம் செய்து விட்டார்’ என்று தெரிவித்து இருந்தார்.  

பல வருடங்களுக்குப் பின்னர் 2021-ல் பிரிட்னி ஸ்பியர்ஸ் குறித்த ஆவணப்படத்தை ஒரு தொலைக்காட்சி வெளியிட்டது. அதில் இவர்களின் உறவு முடிந்தபோது, அவர் ஊடகங்களிடம் எப்படியெல்லாம் அவமானப்பட்டார் என்பது குறித்து வெளிப்படுத்தப்பட்டிருந்தது.

அதனை கண்ட டிம்பர்லேக் ஸ்பியர்ஸிடம், `நான் உன்னிடம் தோற்றுவிட்டேன்’ என சமூக ஊடகங்களில் பகிரங்கமாக மன்னிப்பு கேட்டார்.   

இந்நிலையில் `The Woman in Me’ என்ற வெளியிடப்படவிருக்கிற சுயசரிதை புத்தகத்தில் தனது கடந்த காலம் குறித்து வெளிப்படுத்தி இருந்த பிரிட்னி ஸ்பியர்ஸ், ``நான் ஜஸ்டினை மிகவும் நேசித்தேன். நாங்கள் ஒருநாள் ஒன்றாக குடும்பமாக இருப்போம் என்று எதிர்பார்த்தேன்.

ஆனால் ஜஸ்டின் டிம்பர்லேக் நிச்சயமாக எனது கர்ப்பம் பற்றி மகிழ்ச்சியடையவில்லை. நாம் குழந்தை பெறத் தயாராக இல்லை, மிகவும் இளமையாக இருக்கிறோம் என்றார். 

எனக்கு குழந்தை பெற விருப்பம் இருந்தது. ஆனால் டிம்பர்லேக்கின் வற்புறுத்தலின் பேரில் கருக்கலைப்புக்கு ஒப்புக்கொண்டேன். இது என்னுடைய முடிவாக மட்டும் இருந்திருந்தால் நான் அதை ஒருபோதும் செய்திருக்க மாட்டேன். ஆனால் ஜஸ்டின் ஒரு தந்தையாக இருக்க விரும்பவில்லை என்பதில் உறுதியாக இருந்தார்.Everytime song குடும்ப வன்முறையால் பாதிக்கப்பட்ட பெண்; கர்ப்பத்தை கலைக்க அனுமதியளித்த மும்பை உயர்நீதிமன்றம்!

இந்த அத்தியாயம் எனது வாழ்வில் நான் அனுபவித்த மிக வேதனையான விஷயங்களில் ஒன்று’’ என்று தெரிவித்து இருந்தார். 

பிரிட்னி ஸ்பியர்ஸின் `Everytime' என்ற பாடல் அவரின் குழந்தைக்காகவே இருந்தது, ஜஸ்டின் டிம்பர்லேக்கிற்கானது அல்ல என்று ரசிகர்கள் ஆதரவு கூறி வருகின்றனர். அதோடு டிம்பர்லேக் செய்தது தவறு என அவருக்கு எதிராக நெட்டிசன்கள் கண்டனம் தெரிவித்து வருகின்றனர்.

பிரிட்னி ஸ்பியர்ஸ்க்கு இப்போது 18 மற்றும் 17 வயதில் இரண்டு மகன்கள் இருக்கின்றனர். இவர் பாடகர் மற்றும் நடனக் கலைஞரான கெவின் ஃபெடர்லைனுடன் இரண்டாவது திருமணம் செய்திருக்கிறார். 


http://dlvr.it/Sxc3dv