வாசகர்களை, எழுத்தாளர்களாக, பங்களிப்பாளர்களாக மாற்றும் விகடனின் ‘My Vikatan’ முன்னெடுப்பு இது. இந்த கட்டுரையில் இடம் பெற்றுள்ள கருத்துக்கள் அனைத்தும், கட்டுரையாளரின் தனிப்பட்ட கருத்துக்கள். விகடன் தளத்தின் கருத்துக்கள் அல்ல. - ஆசிரியர்
வளர்ந்த நாடுகளை நோக்கிப் பொருள் தேடிப் புறப்படும் வழக்கம் பண்டைக் காலத்திலிருந்தே நம் முன்னோர்கள் நமக்கு வாழ்வை மேம்படுத்த வகுத்துக் கொடுத்த ஒரு வழி என்று கருதி பெரும்பாலான மக்கள் பிறந்த நாட்டிலிருந்து மற்ற நாடுகளுக்குச் செல்வது இயல்பு.
அறிவியல் வளர்ச்சி, ஊடகம் மற்றும் செய்தி தொலைத்தொடர்பு வாயிலாக உலகில் உள்ள பல நாடுகளை பற்றி நன்கு அறிந்து பின்னர் நாம் எந்த நாட்டிற்குச் சென்று குடியேறினால் நம் வாழ்வும் நம் சந்ததியினர் வாழ்வும் சிறக்கும் என்பதை இப்போது எளிதில் அறியமுடியும்.
அந்த வழியில் பல ஆண்டுகளுக்கு முன் அமெரிக்காவில் குடியேறிய பலரில் நானும் ஒருவன். அமெரிக்காவின் அண்டை நாடுகளான கனடா எல்லையை நான் பலமுறை கடந்து இருக்கிறேன். ஒரு சில முறை மெக்சிகோ எல்லையையும் கடந்து இருக்கிறேன். ஆனாலும் கனடா-அமெரிக்கா இரு நாட்டு எல்லையைக் கடக்கும் பொழுது பெரிதாக வளர்ச்சி மற்றும் வாழ்வியல் மாற்றம் ஏதும் எனக்குத் தெரியாது.அமெரிக்கா-மெக்சிகோ எல்லை
சென்ற வாரம் விடுமுறையின் போது அமெரிக்கா-மெக்சிகோ எல்லையை நடந்து கடக்கும் வாய்ப்பு கிடைத்தது. நான் சில ஆண்டுகளுக்கு முன்னும் அமெரிக்கா - மெக்சிகோ எல்லையை நடந்து கடந்திருக்கிறேன், இப்போது நான் கவிதை, கட்டுரைகள் எழுதத் துவங்கியவனாக சென்றதால் என் எண்ண ஓட்டங்கள், இந்த எல்லையைப் பற்றி மேலும் சிந்திக்க வைத்தன. முதல் உலகநாடு தன் எல்லையை மூன்றாம் உலக நாட்டோடு பகிர்கின்றது.
நீண்ட தூரம் தடுப்புச் சுவரை எழுப்பி, மலை கடல் என எல்லையை சுவர் தொடர்வதைக் காண முடிந்தது. என்ன கடலில் எல்லைச் சுவரா? ஆம்! கடலிலும் சுவர் எழுப்பி இரு நாட்டு எல்லைகளையும் பாதுகாத்து வருகின்றனர். 1,954 மைல்கள் மெக்சிகோ-அமெரிக்கா எல்லையானது 3,145 கிலோமீட்டர்கள் (1,954 மைல்கள்), பசிபிக் பெருங்கடலுக்குள் 29 கிமீ (18 மைல்) கடல் எல்லைகள் மற்றும் 19 கிமீ (12 மைல்) மெக்சிகோ வளைகுடா வரை நீண்டுள்ளது.அமெரிக்கா-மெக்சிகோ எல்லை
மெக்சிகோவில், அமெரிக்க எல்லையை ஒட்டியுள்ள நெடுஞ்சாலையில் நாங்கள் வாகனத்தில் பயணித்து, அதனைச் சுற்றியுள்ள கிராமங்களையும் மக்களின் கலாச்சாரத்தையும் அலச ஆரம்பித்தோம். எல்லை சுவரையொட்டி பல கதைகள், வரலாறு, வணிகம், வஞ்சம், போதைப் பொருள் கடத்தல், கொலை கொள்ளை எனப் பல சம்பவங்களைக் கேட்டறிந்தோம். இந்த எல்லையைக் கடக்கச் சட்டவிரோத ஏஜென்சிகள் உதவுவதாகப் பலர் தெரிவித்தனர். எல்லையைக் கடந்தவர்ளும் பலர் அந்த முயற்சியில் இறந்தவர்களும் பலர்.
மக்கள் எதற்காக இப்படி எல்லையைக் கடக்க வேண்டும்? யார் இவர்கள்? அவர்கள் எந்த நம்பிக்கையில் இப்படி சட்டவிரோதமாக எல்லையைக் கடக்கிறார்கள்? இதுபோன்ற பல கேள்விகளுக்கு விடை தேட முற்பட்டு அங்கு உள்ளவர்களிடம் வினவத் துவங்கினேன்.
மத்திய அமெரிக்க நாடுகளான குவாத்தமாலா, பெலிஸ், எல்சல்வடார், ஹோண்டுரஸ், நிகரகுவா போன்ற மக்களும் மேலும் விசா மறுக்கப்பட்ட மற்ற நாட்டினரும் இப்படி சட்ட விரோதமாக எல்லையைக் கடக்கும் முயற்சியில் ஈடுபடுவதாகவும், இருந்தாலும் இப்போது அதுபோல் கடப்பது குறைந்து விட்டதாகவும் தெரிவித்தனர். இதைப்போன்றே H1-B விசாவில் பிற நாட்டினர் அமெரிக்கா வருவது குறைந்து விட்டதாகவும் அறிந்து, அமெரிக்க குடியேற்றம் பற்றி மேலும் படிக்க ஆவலானேன்.
2016- ஆம் ஆண்டு உச்சத்திலிருந்த குடியேற்றம் பின்னர் வெகுவாக குறைய ஆரம்பித்துள்ளது.Representational Image
முந்தைய அமெரிக்க அதிபர் டிரம்ப் நிர்வாகத்தின் கொள்கைகள் இடம்பெயர்வு குறைவதற்குப் பங்களித்திருக்கலாம் எனப் பலர் நம்புகின்றனர். அதிபர் டிரம்ப் நிர்வாகத்தின் கொள்கை மாற்றங்கள் மற்றும் புலம்பெயர்ந்தோருக்கு எதிரான பேச்சுக்கள் பலரை அமெரிக்காவிற்கு வரவிடாமல் தடுத்திருக்கலாம். ஆனால் அவை மட்டுமே காரணிகளாக இல்லை. சீனா, இந்தியா, மெக்சிகோ மற்றும் பல நாடுகளின் உள் நாட்டு வளர்ச்சியும் காரணமாகக் கூடும்.
கோவிட்-19 தொற்றுநோயால் குடியேற்ற அமைப்பில் பின்னடைவுகள் அதிகரித்தன. கோவிட்-19 தொற்றுநோய் போன்ற உலகளாவிய நிகழ்வுகள் இடம்பெயர்வு முறைகளைச் சீர்குலைத்து, பயணக் கட்டுப்பாடுகள் மற்றும் பொருளாதார நிச்சயமற்ற தன்மை காரணமாக விசா வழங்குவதில் தடை நீண்ட இடைவெளி ஏற்பட்டது. அமெரிக்காவில் வழங்கப்படும் H-1B விசாக்களின் எண்ணிக்கை பல்வேறு காரணங்களுக்காக ஏற்ற இறக்கமாக மாறின.
அமெரிக்க குடியேற்றக் கொள்கைகள் மற்றும் விதிமுறைகளில் ஏற்பட்ட மாற்றங்கள் H-1B விசாக்களை வழங்குவதை நேரடியாகப் பாதித்தது. H-1B விசாக்களில் கடுமையான கொள்கைகள் மற்றும் புதிய கட்டுப்பாடுகள் அமெரிக்காவிற்குள் நுழையும் திறமையான தொழிலாளர்களின் எண்ணிக்கையைக் குறைக்க வழிவகுத்தது. Migration graph
H-1B திட்டத்தில் மோசடி மற்றும் தவறான முறையில் பயன்படுத்துவதை முறியடிப்பதற்கான முயற்சிகள் விசா விண்ணப்பங்களின் அதிக ஆய்வுக்கு உட்பட்டு ஒப்புதல்கள் குறைக்கப்பட்டது.
அமெரிக்காவில் STEM (அறிவியல், தொழில்நுட்பம், பொறியியல் மற்றும் கணிதம்) கல்வி மற்றும் பயிற்சியை மேம்படுத்துவதற்கான முயற்சிகள் உள் நாட்டில் திறமையான தொழிலாளர்கள் கிடைக்க அமெரிக்கா பல உத்திகளைக் கையாள்கிறது. பல திறமையான தொழிலாளர்கள் இன்று அமெரிக்காவிலேயே கிடைக்கிறார்கள்.
அமெரிக்காவில் ஆவணமற்ற அல்லது சட்டவிரோதமாகக் குடியேறியவர்களின் எண்ணிக்கை பல்வேறு காரணங்களுக்காக இறக்கமாக மாறின. மேலும் இது ஒரு சிக்கலான மற்றும் அடிக்கடி சர்ச்சைக்குரிய பிரச்சினை என்பதைக் கவனத்தில் கொண்டு அமெரிக்க அரசு அண்டை நாடுகளுடன் புரிந்துணர்வு ஒப்பந்தங்களுடன், போதை மற்றும் கடத்தல் ஆகியவற்றைக் கட்டுப் படுத்தி அவரவர் நாட்டிலேயே வாழ ஏற்பாடு செய்கிறது.
குடியேற்றக் கொள்கைகள் மற்றும் அமலாக்க நடைமுறைகளில் மாற்றங்கள் குறிப்பிடத்தக்கத் தாக்கத்தை ஏற்படுத்தியது. உதாரணமாக, அதிகரித்த எல்லைப் பாதுகாப்பு, கடுமையான விசா தேவைகள் மற்றும் மேம்படுத்தப்பட்ட நாடுகடத்தல் முயற்சிகள் ஆகியவை சட்டவிரோதமாக அமெரிக்காவிற்குள் நுழைய அல்லது தங்குவதற்கு முயல்வதில் இருந்து மக்களைத் தடுக்கிறது.Mexico
அமெரிக்கா மற்றும் பிற நாடுகளில் உள்ள பொருளாதார நிலைமைகள் ஆவணமற்ற குடியேற்ற வாசிகளின் ஓட்டத்தைப் பாதித்தது. ஒரு வலுவான அமெரிக்கப் பொருளாதாரம் வேலை தேடும் அதிக ஆவணமற்ற புலம்பெயர்ந்தோரை ஈர்க்கக்கூடும், அதே நேரத்தில் பலவீனமான பொருளாதாரம் குறைவான வாய்ப்புகளுக்கு வழிவகுக்கும் மற்றும் தஞ்சமடைய வருபவரின் ஊக்கத்தொகைகளைக் குறைக்கலாம். தஞ்சமடைய வருபவரின் எண்ணிக்கையும் ஒப்புதலும் குறைய ஆரம்பித்திருக்கிறது.
ஆவணமற்ற புலம்பெயர்ந்தோரை நாடு கடத்துவது அவர்களின் எண்ணிக்கையை குறைத்தது. அமெரிக்க அரசாங்கம் அவ்வப்போது குடிவரவு அமலாக்க நடவடிக்கைகள் மற்றும் நாடு கடத்தல்களை நடத்துகிறது. இதன் விளைவாக நாட்டிலிருந்து பல ஆவணமற்ற நபர்கள் அகற்றப்பட்டனர். ஆவணமற்ற குடியேற்றம் என்பது அரசியல் ரீதியாகவும் சமூக ரீதியாகவும் சர்ச்சைக்குரியதாக உள்ளது. மேலும் அது எவ்வாறு தீர்க்கப்பட வேண்டும் என்பதில் மாறுபட்ட கருத்துக்கள் உள்ளன என்பதைக் கவனத்தில் கொண்டு அந்தந்த நாடுகளின் அதிபர்கள் செயல் படவேண்டும்.Representational Image
அமெரிக்கா என்னும் காந்த விசை மற்ற நாடுகளுக்கும் பரவுவதாகவே நான் உணர்கிறேன். ஒரு நாட்டின் வளர்ச்சி அதன் அண்டை நாடுகளுக்கும் முழுவதும் நீடிக்க வேண்டும். அமெரிக்கா இன்றும் பல நாட்டினரை ஈர்க்கும் விசையாகவும் சிறந்த உள்நாட்டுக் கொள்கைகளையும் கொண்ட பெரிய ஜனநாயக நாடாக உள்ளது என்பதில் ஐயம் ஏதுமில்லை.
ஆக்கம்- முருகவேலு வைத்தியநாதன்.
விகடனில் உங்களுக்கென ஒரு பக்கம்...
உங்கள் படைப்புகளைச் சமர்ப்பிக்க - my@vikatan.com என்ற மின்னஞ்சலுக்கு அனுப்புங்கள்!
My vikatan
ஏதோ ஓர் ஊரில், எங்கோ ஒரு தெருவில் நடந்த ஒரு விஷயம்தான் உலகம் முழுக்க வைரலாகிறது. உங்களைச் சுற்றியும் அப்படியொரு வைரல் சம்பவம் நடந்திருக்கலாம்... நடந்துகொண்டிருக்கலாம்... நடக்கலாம்..! அதை உலகுக்குச் சொல்வதற்காகக் களம் அமைத்துக் கொடுக்கிறது #MyVikatan. இந்த எல்லையற்ற இணையவெளியில் நீங்கள் செய்தி, படம், வீடியோ, கட்டுரை, கதை, கவிதை என என்ன வேண்டுமானாலும் எழுதலாம். ஃமீம்ஸ், ஓவியம் என எல்லாத் திறமைகளையும் வெளிப்படுத்தலாம்.
http://dlvr.it/Sw5T4L
0 comments:
Post a Comment