`மெலானியா, இவ்வளவு நடந்தும் என்னை விட்டுவிலகவில்லையே’ - லவ் லெட்டர் வெளியிட்டு நிதி திரட்டிய ட்ரம்ப்

அமெரிக்கா முன்னாள் அதிபர் டொனால்ட் ட்ரம்ப் தன் மனைவி மெலானியாவுக்கு, காதலர் தினத்தை முன்னிட்டு காதல் கடிதம் எழுதியிருக்கிறார். டொனால்ட் ட்ரம்ப் - மெலானியா இருவரும் 2004-ம் ஆண்டு நிச்சயதார்த்தம் செய்து கொண்டு, ஜனவரி 2005-ல் திருமணம் செய்து கொண்டனர். 2006-ம் ஆண்டு அவர்களுக்கு பரோன் என்ற குழந்தை பிறந்தது. பொது நிகழ்ச்சிகளில் பெரும்பாலும் தம்பதி சகிதமாகவே கலந்துகொள்வார்கள்.

I don't know if Donald Trump actually wrote this heartfelt fundraising valentine to Melania for sticking by him through his indictments, but signing it "Donald J. Trump" at least makes it plausible. pic.twitter.com/hQrcFIoef5— Kyle Cheney (@kyledcheney) February 14, 2024




ஆனால், கடந்த மாதம் மெலானியாவின் அம்மா அமலிஜா நவ்ஸ் இறந்த பிறகு, மெலானியா பொது நிகழ்ச்சிகளில் கலந்துகொள்வதைத் தவித்து வந்தார்.

இந்த நிலையில்தான் டொனால்ட் ட்ரம்ப் தன் மனைவிக்காக எழுதிய காதல் கடிதத்தை வெளியிட்டிருக்கிறார். அந்தக் கடிதத்தில்,``அன்புள்ள மெலானியா, I Love YOU! என் மீது எத்தனையோ குற்றச்சாட்டுகள், கைது நடவடிக்கைகள், என்னைச் சுற்றி நடந்த சூழ்ச்சி வேட்டைகள் இத்தனைக்குப் பிறகும் நீ என்னைவிட்டு விலகவில்லை. அதைவிட முக்கியம் எல்லா சூழலிலும் நீ எனக்கு ஆதரவாக இருந்தாய்.

உன் வழிகாட்டுதல், இரக்கம், அரவணைப்பு இல்லாமல் நான் இப்போது இருக்கும் நிலையை அடைந்திருக்க முடியாது. எப்போதும் என் உலகம் நீ மெலனியா! இப்படிக்கு அன்புடன் உன் கணவன் டொனால்ட் ஜே டிரம்ப்.'' எனக் குறிப்பிட்டிருக்கிறார்.

இந்தக் கடிதத்தை, இணையத்தில் அமெரிக்க அதிபர் தேர்தலுக்கு நிதி திரட்டும் பக்கத்தில் பதிவேற்றியிருக்கிறார். அதில், தேர்தல் நிதிக்கான நன்கொடை வழங்க வேண்டுகோள் விடுத்திருக்கிறார் என்பது குறிப்பிடத்தக்கது.

அந்த இணையதளத்தில் குறைந்தபட்சம் 20.24 டாலர்களை நன்கொடையாக அளிக்கலாம் என பரிந்துரை செய்யப்பட்டுள்ளது. இருப்பினும், அவரை எல்லா காலத்திலும் சிறந்த அதிபராக கருதுபவர்கள் $47, $100, $250, $500, $1,000, $3,300 அல்லது அதற்கு மேலான தொகையையும் நன்கொடையாக அளிக்கலாம் என குறிப்பிடப்பட்டுள்ளது.

Junior Vikatan-ன் பிரத்யேக Whatsapp Group...

இணைவதற்கு இங்கே க்ளிக் செய்யவும்...
https://bit.ly/47zomWY />
வணக்கம்,

BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்...
https://bit.ly/47zomWYஅமெரிக்க அதிபர் தேர்தல்: முன்னேறும் ட்ரம்ப்; பின்வாங்கிய விவேக் ராமசாமி - காரணம் என்ன?!


http://dlvr.it/T2nWyr